Հունվարի 28-ին կանցկացվի շախմատի մրցաշար՝ նվիրված Հայոց բանակի օրվան

Հունվարի 28-ին Հայաստանի շախմատի ակադեմիան կկազմակերպի «Շախմատի ակադեմիայի գավաթ-2021» արագ շախմատի մրցաշարի 1-ին փուլը, որը նվիրված կլինի Հայոց բանակի օրվան: Այդ մասին տեղեկացնում է Հայաստանի շախմատի ֆեդերացիայի ֆեյսբուքյան էջը։

Մրցաշարին կարող են մասնակցել առնվազն II կարգ ունեցող շախմատիստները: Այն կանցկացվի շվեյցարական մրցակարգով, 7 խաղափուլով: Ժամակարգը՝ 10+5 րոպե:

Առաջին հինգ տեղերը գրաված շախմատիստները կստանան դրամական պարգևներ․

1-ին տեղ՝ 50 000 դրամ

2-րդ տեղ՝ 30 000 դրամ

3-րդ տեղ՝ 20 000 դրամ

4-րդ տեղ՝ 15 000 դրամ

5-րդ տեղ՝ 15 000 դրամ

Հատուկ մրցանակ կստանան նաև լավագույն արդյունք ցույց տված շախմատիստուհին, լավագույն արդյունք ցույց տված կարգային մասնակիցը և լավագույն արդյունք ցույց տված մինչև 12 տարեկան մասնակիցը։