«Արարատ-Արմենիան» այսօր վերջին մարզումն է անցկացրել «Ցելյեի» հետ խաղից առաջ
Աջակցիր «Ա1+»-ինՀայաստանի ֆուտբոլի չեմպիոն «Արարատ-Արմենիան» Ավանի ֆուտբոլի ակադեմիայի մարզադաշտում այսօր վերջին մարզումն է անցկացրել Եվրոպայի լիգայի սլովենական «Ցելյեի» հետ խաղից առաջ: Այդ մասին հայտնում է ֆուտբոլային ակումբի մամուլի ծառայությունը։
Մարզումից առաջ «Արարատ-Արմենիայի» գլխավոր մարզիչ Դավիդ Կամպանյան խոսել է վաղվա հանդիպման մասին։
«Ցելյեն» հետաքրքիր թիմ է, կազմված է երիտասարդ ֆուտբոլիստներից, բայց բավական համակարգված է խաղում։ Կարծում եմ, մեզ ավելի շատ սպասվում է տակտիկայի պայքար։ Ալեքս Ժունիորից բացի, որը կարմիր քարտի պատճառով բաց է թողնելու խաղը, մեր մնացածը խաղացողները պատրաստ են հանդիպմանը։ Մեկնարկային կազմի հարցում դեռ չենք կողմնորոշվել։ Դա պարզ կդառնա խաղից անմիջապես առաջ», - ասել է նա։
«Արարատ-Արմենիա» - «Ցելյե» հանդիպումը կսպասարկի Շոտլանդիայի մրցավարական խումբը՝ Ջոն Բիթոնի գլխավորությամբ։