Շախմատի Ստեփան Ավագյանի հուշամրցաշար. 7-րդ տուրում հաղթեցին միայն սևերը
Աջակցիր «Ա1+»-ինՋերմուկում ավարտին է մոտենում շախմատի Ստեփան Ավագյանի հուշամրցաշարը:
Այսօր կայացավ 7-րդ տուրը, որում հաղթանակներ տոնեցին սևերով հանդես եկող շախմատիտները՝ Մանուէլ Պետրոսյանը, Հայկ Մարտիրոսյանը, Շանթ Սարգսյանը, Արթուր Դավթյանը և Տիգրան Հարությունյանը:
Յոթ տուրից հետո մրցաշարային աղյուսակը 6 միավորով գլխավորում է Մանուէլ Պետրոսյանը: Հայկ Մարտիրոսյանը և Արթուր Դավթյանը 4,5-ական միավորով կիսում են 2-3-րդ հորիզոնականները:
Վաղը կկայանա նախավերջին՝ 8-րդ տուրը: Մանուէլ Պետրոսյանը սպիտակներով կհանդիպի Դավիթ Շահինյանի հետ: Հայկ Մարտիրոսյանի մրցակիցը կլինի հավասար միավորներ ունեցող Արթուր Դավթյանը:
Հիշեցնենք, որ մրցաշարն անցկացվում է շրջանային մրցակարգով՝ 9 խաղափուլով: Այն ՖԻԴԵ-ի 10-րդ կարգի է` միջազգային գրոսմայստերի նորմայով (միջին վարկանիշը` 2499.4):
Կիրառվում է Ֆիշերի ժամակարգը. 90 րոպե առաջին 40 քայլի համար, այնուհետև 15 րոպե՝ մինչև խաղի ավարտը՝ յուրաքանչյուր քայլին 30 վայրկյան հավելումով՝ սկսած առաջին քայլից:
Մրցանակային հիմնադրամը կազմում է 3000 ԱՄՆ դոլար: