Վարդենիս-Մարտակերտ մայրուղուց դեպի Քարվաճառ տանող ճանապարհը կասֆալտապատվի
Աջակցիր «Ա1+»-ինԱրցախի Հանրապետության նախագահ Արայիկ Հարությունյանը հունիսի 23-ին ընդունել է Շահումյանի շրջանի վարչակազմի ղեկավար Հայկ Պետրոսյանին:
Շրջանային վարչակազմի ղեկավարը Հանրապետության նախագահին զեկուցել է ընթացիկ աշխատանքների, համավարակային իրավիճակի և սոցիալ-տնտեսական խնդիրների մասին:
Արայիկ Հարությունյանը նշել է, որ տարածքային համաչափ զարգացման շրջանակում պետական միջոցներով շուտով կսկսվի Վարդենիս-Մարտակերտ մայրուղուց դեպի Քարվաճառ տանող մոտ 18կմ երկարությամբ ճանապարհի ասֆալտապատումը, միջոցներ կուղղվեն ներհամայնքային ճանապարհների սալապատման աշխատանքների կազմակերպմանը, բնակարանային պայմանների բարելավման նպատակով շինանյութերի ձեռքբերման համար շրջանին կհատկացվի լրացուցիչ 50 մլն դրամ, կիրականցվեն հայրենադարձության խթանման նոր ծրագրեր:
Հանդիպմանը մասնակցում էր ԱՀ տարածքային կառավարման և զարգացման նախարար ժիրայր Միրզոյանը:
ԱՐՑԱԽԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ ԱՇԽԱՏԱԿԱԶՄԻ
ՏԵՂԵԿԱՏՎՈՒԹՅԱՆ ԳԼԽԱՎՈՐ ՎԱՐՉՈՒԹՅՈՒՆ
