Նիկոլ Փաշինյանի և նրա ընտանիքի անդամների մոտ կորոնավիրուս է հաստատվել (տեսանյութ)
Աջակցիր «Ա1+»-ինԵրեկ պարզվեց, որ կորոնավիրուսի իմ թեստը դրական է: Այս մասին հայտարարեց վարչապետ Նիկոլ Փաշինյանը ֆեյսբուքյան ուղիղ եթերում:
Կորոնավիրուսի թեստը դրական է եղել նաև վարչապետի ընտանիքի անդամների մոտ:
«Ամբողջ ընտանիքով վարակված ենք կորոնավիրուսով, որևէ սիմպտոմ չունենք»:
Փաշինյանի խոսքով՝ որևէ ախտանիշ չի ունեցել, թեստավորվել է, որովհետև առաջնագիծ մեկնելու պլաններ է ունեցել:
Ամեն օր աշխատանքի ներկայանալիս վարչապետը ջերմաչափվել է, սակայն ջերմություն ևս չի ունեցել: Նշեց, որ ընտանիքի անդամները վարակվել են իրենից:
«Վարակվել եմ աշխատանքային խորհրդակցությունների ընթացում: Մի դեպք եմ արձանագրել, որը տպավորվել է իմ մեջ, և համոզմունք կա , որ այդ դեպքի հետ է կապված: Մի օր ֆիքսեցի, որ ջրի բաժակները առանց ձեռնոցի են տեղադրում: Տեղում նկատողություն արեցի և առաջարկեցի, որ փոխեն, բայց ենթադրում եմ, որ դրանից առաջ էլ նույն կերպ է եղել: Այդ աշխատողի մոտ թեստը դրական է եղել»:
Նիկոլ Փաշինյանն ասաց՝ աշխատելու է վարչապետի կեցավայրից:
«Ինչքան հնարավոր կլինի, կաշխատեմ մեկուսացվածության պայմաններում»:
Ասաց՝ մտահոգություն ունեն, որ ընտանիքի մեծերին վարակած չլինեն:
Վարչապետը կրկին հորդորեց պահպանել հակահամաճարակային միջոցառումները: