Ստեղծվել է կեղծ պատմություն, որը տարիներ շարունակ վարկաբեկել է ՀՅԴ-ին․ Իշխան Սաղաթելյան (տեսանյութ)
Աջակցիր «Ա1+»-ին«Չնայած Հայաստանի առաջին Հանրապետության գոյությունը կարճ տևեց, բայց նրա դերը և նշանակությունն էական մեծ է հայ ժողովրդի պատմության մեջ»,-այս մասին Հայաստանի առաջին Հանրապետության հիմնադիրներից Արամ Մանուկյանի արձանին ծաղիկ խոնարհելուց հետո լրագրողների հետ զրույցում նշեց ՀՅԴ անդամ Իշխան Սաղաթելյանը:
Նրա խոսքով՝ 70 տարվա մեջ Խորհրդային միությունում ստեղծվել են ֆիլմեր, գրականություն, կեղծ պատմություն, որը տարիներ շարունակ վարկաբեկել է ՀՅԴ-ին, թեև այն եղել է Հայաստանի առաջին Հանրապետության գլխավոր քաղաքական ուժերից մեկը:
«Նրանք, ովքեր ծանոթ են մեր ժողովրդի պատմությանը, լավ գիտեն Դաշնակցության դերը և նշանակությունը հայ ժողովրդի պատմության մեջ»:
Դաշնակցական գործիչը պնդում է, որ մինչ օրս մենք պատշաճ կերպով չենք գնահատել այն քաղաքական և հասարակական գործիչներին, որնց շնորհիվ կերտվել է Հայաստանի առաջին Հանարապետությունը:
Ինչ վերաբերում է հարցադրմանը, թե ինչո՞ւ այսօր Դաշնակցությունը Խորհրդարանում ներկայացված չէ, Սաղաթելյանն ասաց՝ երբեք պոպուլիզմով չեն զբաղվել և իրենց ողջ կենսագրության ընթացքում կանգնած են եղել պետության և ժողովրդի կողքին:
Սաղաթելյանը համոզմունք հայտնեց, որ առաջիկա ընտրություններին Դաշնակցության դերը և նշանակությունը կգնահատվի:
Երկու տարվա մեջ մեր բոլոր գնահատականները ճիշտ են եղել,- համոզմունք հայտնեց դաշնակցական գործիչը, որպես օրինակ բերեց կորոնավիրուսի շրջանում իրենց քայլեը.
«Մեկուկես ամիս առաջ Դաշնակցությունը պաշտոնապես կորոնավիրուսով պայմանավորված՝ հանդես եկավ հսկայական փաթեթով, նշեց վտանգները, քայլերի հերթականությունը, ինչ պետք է անել, որ այսօր այս իրավիճակին չհասնեինք»,-եզրափակեց Իշխան Սաղաթելյանը: