A
A
Հայաստանի հավաքականի ֆուտբոլիստի թիմակիցը կորոնավիրուսով է վարակվել
Աջակցիր «Ա1+»-ինԵկատերինբուրգի «Ուրալ» թիմի հարձակվող Պավել Պոգրեբնյակի մոտ կորոնավիրուս է հայտնավերվել: Այդ մասին տեղեկացնում է ֆուտբոլային ակումբի պաշտոնական կայքը:
36-ամյա ֆուտբոլիստի երկրորդ թեստավորումը դրական արդյունք է տվել: Աղբյուրը նշում է, որ ֆուտբոլիստը թեթև է տանում հիվանդությունը և իրեն լավ է զգում: Նա գտնվում է թիմի բժիշկների մշտական հսկողության տակ:
«Ուրալի» մնացած խաղացողների, այդ թվում Հայաստանի հավաքականի պաշտպան Վարազդատ Հարոյանի, կորոնավիրուսի թեստերը բացասական են եղել:
Պավել Պոգրեբնյակը, որը Ռուսաստանի հավաքականի նախկին ֆուտբոլիստ է, ընթացիկ մրցաշրջանում անցկացրել է 14 հանդիպում, որոնցում խփել է 4 գոլ:
