«Մանչեսթեր Սիթին» իր մարզադաշտը կօգտագործի կորոնավիրուսի դեմ պայքարի համար
Աջակցիր «Ա1+»-ինԱնգլիայի ֆուտբոլի գործող չեմպիոն «Մանչեսթեր Սիթին» Մեծ Բրիտանիայի առողջապահության ազգային ծառայությանը առաջարկել է կորոնավիրուսի պանդեմիայի դեմ պայքարի ընթացքում «Էթիհադ» մարզադաշտն օգտագործել որպես բժշկական աշխատակիցների վերապատրաստման կենտրոն:
Ինչպես հայտնում է Daily Mail-ը, եկող շաբաթվանից հատուկ հրավիրված բժիշկներն ու բուժքույրերը տարբեր բուժհաստատությունների աշխատակիցների համար կանցկացնեն դասընթացներ, քանի որ երկրի կառավարությունը պատրաստվում է ուժեղացնել կորոնավիրուսի պանդեմիայի դեմ պայքարը:
Մարզադաշտում կորոնավիրուսով հիվանդների ընդուման կետ չի ստեղծվելու, քանի որ մոտակայքում գտնվող Մանչեսթերի Կենտրոնական կոնֆերենս-համալիրում ժամանակավոր հիվանդանոց է ստեղծվել: Քաղաքային իշխանություններն արդեն սենյակներ են պատրաստում մարզադաշտում այդ դասընթացները կազմակերպելու համար: Մինչ այդ մարզակառույցը գտնվում էր փակի տակ:
Ի դեպ, 2017թ մայիսին Մանչեսթերում տեղի ունեցած ահաբեկչության ժամանակ, որի հետևանքով 23 հոգի մահացել էին, իսկ 100-ից ավելի մարդիկ վիրավորվել, «Էթիհադ» մարզադաշտը դարձել էր բազմաթիվ բնակիչների անվտանգության վայրը:
