A
A
Ավստրալիա օփեն․ Նովակ Ջոկովիչը հաղթեց Միլոշ Ռաոնիչին և մտավ կիսաեզրափակիչ
Աջակցիր «Ա1+»-ինԱշխարհի 2-րդ ռակետ Նովակ Ջակովիչը շարունակում է պաշտպանել թենիսի Ավստրալիայի չեմպիոնի կոչումը։
Այսօր կայացած քառորդ եզրափակիչ երկրորդ խաղում սերբ թենիսիստը 3։0 հաշվով վստահ հաղթեց Կանադան ներկայացնող չեռնոգորցի թենիսիստ Միլոշ Ռաոնիչին՝ 6:4, 6:3, 7:6 (7:1)։ Նա վաստակել է 29 ակտիվ միավոր, թույլ տվել 14 սխալ։ Միլոշ Ռաոնիչը չնայած 48 ակտիվ միավոր է վաստակել, սակայն թույլ է տվել 48 անճշտություն։
Կիսաեզրափակիչ փուլում Նովակ Ջակովիչը կխաղա աշխարհի 3-րդ ռակետ Ռոջեր Ֆեդերերի հետ, որն ամերիկացի Թենիս Սանդգրենին մեծ դժվարությամբ է հաղթել՝ 3։2։