Եվրո-2020. Ուելսը վերջինը հաղթահարեց ընտրական արգելքը
Աջակցիր «Ա1+»-ինԱվարտվեց ֆուտբոլի Եվրոպայի 2020 թվականի առաջնության ընտրական փուլը:
Վերջին՝ 10-րդ տուրի ավարտական խաղերում հայտնի դարձավ եզրափակիչ փուլի թվով 20-րդ մասնակիցը: Այդ իրավունքը նվաճեց Ուելսի հավաքականը, որը սեփական դաշտում 2:0 հաշվով հաղթեց իր գլխավոր մրցակցին՝ Հունգարիային, և խմբում գրավեց 2-րդ տեղը:
Այդպիսով, Եվրո-2020-ի ընտրական արգելքը հաղթահարեցին հետևյալ երկրները. Անգլիա, Չեխիա, Ուկրաինա, Պորտուգալիա, Գերմանիա, Նիդերլանդներ, Շվեյցարիա, Դանիա, Խորվաթիա, Ուելս, Իսպանիա, Շվեդիա, Լեհաստան, Ավստրիա, Ֆրանսիա, Թուրքիա, Բելգիա, Ռուսաստան, Իտալիա, Ֆինլանդիա:
Մնացած չորս մասնակիցները հայտնի կդառնան 2020 թվականի մարտին, երբ տեղի կունենան Ազգերի Լիգայի եզրափակիչ չորս մրցաշարերը: Ահա դրանց մասնակիցները.
Ուղղություն A. Իսլանդիա, Բուլղարիա, Իսրայել, Հունգարիա, Ռումինիա (վերջին չորս թիմերից մեկը վիճակահանությամբ կտեղափոխվի C խումբ):
Ուղղություն B. Բոսնիա և Հերցեգովինա, Սլովակիա, Իռլանդիա, Հյուսիսային Իռպանդիա:
Ուղղություն C. Շոտլանդիա, Նորվեգիա, Սերբիա, ուղղություն A-ի մեկ թիմ:
Ուղղություն D. Վրաստան, Հյուսիսային Մակեդոնիա, Կոսովո, Բելառուս:
Եզրափակիչ մրցաշարերը բաղկացած են մեկական խաղից: Կիսաեզրափակիչում դաշտի տեր կլինեն ավելի բարձր վարկանիշ ունեցող թիմերը, իսկ եզափակիչի տանտերերը նախապես կորոշվեն վիճակահանության ժամանակ, որը տեղի կունենա նոյմեբերի 22-ին:
