A
A
Շախմատի պատանիների ԱԱ. Շանթ Սարգսյանը նվաճեց արծաթե, իսկ Արթուր Դավթյանը՝ բրոնզե մեդալ (տեսանյութ)
Աջակցիր «Ա1+»-ինՀայաստանի պատանի շախմատիստները երկու մեդալ նվաճեցին Հնդկաստանի Մումբայ քաղաքում ավարտված շախմատի աշխարհի պատանեկան առաջնությունում:
Մինչև 18 տարեկան տղաների մրցաշարի 11-րդ տուրում մեր գրոսմայստեր Շանթ Սարգսյանը սևերով ոչ-ոքի խաղաց հնդիկ Արջուն Կալյանի հետ: Նա 11 հնարավորից վաստակեց 8,5 միավոր և զբաղեցրեց մրցանակային 2-րդ տեղը:
Տարիքային այս խմբում հանդես եկող մեր մյուս շախմատիստը՝ Արթուր Դավթյանը, վերջին պարտիայում հաղթեց իր գլխավոր մրցակցին՝ իրանցի Արյան Խոլամիին, վաստակեց 8 միավոր և բարձրացավ 3-րդ հորիզոնական:
Աշխարհի չեմպիոն դարձավ հնդիկ գրոսմայստեր Պրագնանանդհանը, որը վաստակեց 9 միավոր և միայնակ գրավեց 1-ին տեղը: