Շախմատի պատանիների ԱԱ. Հայաստանի պատվիրակները զիջում են դիրքերը
Աջակցիր «Ա1+»-ինՀնդկաստանի Մումբայ քաղաքում ընթացող 14, 16 և 18 տարևեկան պատաnիների և աղջիկների շախմատի աշխարհի առաջնությունում կայացել են 4-րդ տուրի պարտիաները:
Հայատանի պատվիրակներից առայժմ լավագույն արդյունքն ունի գրոսմայստեր Շանթ Սարհսյանը, որը 18 տարեկան շախմատիստների մրցաշարում վաստակել է 3 միավոր և առայժմ կիսում է 7-17-րդ տեղերը: Նույն տարիքային խմբում հանդես եկող Արթուր Դավթյանն ունի 2,5 միավոր, որն ընթացիկ տուրում պարտություն կրեց:
Ավաղ, անհաջողության մատնվեցին նաև մրցաշարը հաջող մեկնարկած մեր մյուս մասնակիցները՝ Մամիկոն Ղարիբյանը (Մ-16), Աստղիկ Հակոբյանը (Մ-14), որոնք նույնպես միջին տեղեր են զբաղեցնում: 14 տարեկան շախմատիստների մրցաշարում Արսեն Դավթյանին չհաջողվեց տանել 3-րդ անընդմեջ հաղթանակը և նա այժմ 2,5 միավորով ընթանում է 35-րդ տեղում:
Այսօր կայանալիք 5-րդ տուրում մեր շախմատիստներին այսպիսի մրցակիցներ են բաժին հասել.
Մ-14
Արսեն Դավթյան - Յակուբ Չիզի (Լեհաստան)
Միհիր Գոդավատ (Հնդկաստան) – Ալեքս Սահակյան
Աստղիկ Հակոբյան - Էվելինա Զավիվաևա (Ռուսաստան)
Մ-16
Նիկոլաս Վախինգեր (Գերմանիա) - Մամիկոն Ղարիբյան
Դայանա Նասիբուլինա (Ռուսաստան) – Սրբուհի Սարգսյան
Մ-18
Շանթ Սարգսյան – Ռաղունանդան Կաումանդուր (Հնդկաստան)
Արթուր Դավթյան – Ռուսլան Սեզբեկով (Ղրղզստան)
Աննա Խաչատրյան – Այթայ Հեյդարովա (Ադրբեջան)