Բռնցքամարտի Եվրոպայի առաջնություն. Մեկ օրում երկուական հաղթանակ և պարտություն

Բուլղարիայի մայրաքաղաք Սոֆիայում մեկնարկած բռնցքամարտի Եվրոպայի երիտասարդական առաջնության մրցումային առաջին օրը Հայաստանի

ներկայացուցիչներ, 56 կգ քաշային Արթուր Շախպազյանն ու 60 կգ քաշային Ռաֆայել Հակոբյանը, հաղթանակ են տարել և մտել 1/8 եզրափակիչ փուլ: Այդ մասին հայտնում է Հայաստանի բռնցքամարտի ֆեդերացիայի մամուլի ծառայությունը:

Իսկ ահա 48 կգ քաշային Գայանե Տեր-Բարսեղյանն ու 69 կգ քաշային Արսեն Գրիգորյանը պարտություն են կրել և դուրս մնացել պայքարից: Եվրոպայի առաջնությունում պայքարը շարունակում են Հայաստանի 8 բռնցքամարտիկ: