«Կինը պետք է տղամարդու հետ ամուսնանա, տղամարդը՝ կնոջ, երրորդ ձև լինել չի կարող լինել» (տեսանյութ)
Աջակցիր «Ա1+»-ին«Հայ-ուկրաինական այս ցուցահանդեսին ես մեծ հաճույքով եմ մասնակցում, քանի որ ինքս շատ մեծ դեմոկրատ եմ, չեմ ապրել Ուկրաինայում, բայց ուրախ եմ կատարվող փոփոխությունների համար»,- ասում է «Պինակոտեկա» միջազգային ցուցահանդեսի մասնակից, ինչպես ինքը ներկայացավ՝ քանդակագործ-սյուրեալիստ Սամվել Բուդաղյանը։
«Իմ գործերում կարևորը գաղափարն է, - ասում է քանդակագործը և հավելում,- ես արձանագրող չեմ, ես քանդակագործ եմ»։ Դալիին պատկերելիս, օրինակ, ոչ թե նրա դեմքն եմ պատկերել, այլ նրա մտածողությունը։
«Ծնող համար մեկ և ծնող համար երկու» մակագրությամբ քանդակը ևս գաղափար է Սամվել Բուդաղյանի համար։ Չնայած դեմոկրատ է, սակայն չի ընդունում միասեռականների միջև ամուսնությունները։
«Սա բնական չէ, -ասում է,- Աստված ինչպես ստեղծել է, այնպես պետք է լինի։ Կինը պետք է տղամարդու հետ ամուսնանա, տղամարդը՝ կնոջ։ Երրորդ ձև լինել չի կարող լինել»։
