A
A
Ռուս բռնցքամարտիկը ԱՄՆ-ում մրցամարտից հետո տեղափոխվել է հիվանդանոց
Աջակցիր «Ա1+»-ինԱմերիկյան Օքսոն Հիլլ քաղաքում կայացած բռնցքամարտի երեկոյի ժամանակ ռուսաստանցի Մաքսիմ Դադաշեւը ուղեղի ցնցում է ստացել եւ տեղափոխվել հիվանդանոց:
Պուերտոռիկացի Սուբրիել Մատիասի հետ մենամարտի 11-րդ ռաունդում ռուսական կողմի պահանջով ռինգի մրցավարը դադարեցրել է հանդիպումը, քանի որ ռուս բռնցքամարտիկի ինքնազգացողությունը վատացել է: Հանդերձարան գնալիս նա ընկել է հատակին:
Շտապօգնության մեքենայում Մաքսիմ Դադաշեւը մի պահ ուշագնաց է եղել: Հիվանդանոցում բժիշկները բռնցքամարտի մոտ ախտորոշել են ուղեղի այտուց: Նա անմիջապես վիրահատվել է:
28-ամյա Մաքսիմ Դադաշեւն առաջին անգամ է պարտություն կրել պրեֆեսիոնալ ռինգում: Մինչ այդ նա տարել էր 13 անընդմեջ հաղթանակ, այդ թվում 11-ը՝ նոկաուտով: Պուերտոռիկացի բռնցքամարտիկը 14-րդ անընդմեջ հաղթանակն է տոնել այդ մրցամարտում: