Որևէ փոփոխություն այս Հարկային օրենսգիրքը չի առաջարկում. Մանե Թանդիլյան (տեսանյութ)
Աջակցիր «Ա1+»-ին«Լուսավոր Հայաստան» խմբակցության պատգամավոր Մանե Թանդիլյանը ելույթ ունեցավ Հարկային օրենսգրքի քննարկմանը։
Ըստ նրա՝ բոլորին հայտնի է, որ հարկային օրենսգիրքը խոչընդոտում է մեր երկրում բիզնեսների ընդլայնմանը և տնտեսվարմանը:
«Ինչ ենք արել այս օրինագծով, որոշակիորեն նվազեցրել ենք եկամտային հարկի որոշ հատվածի համար դրույքաչափ, մի թեթև փոփոխել ենք շահութահարկի դրույքաչափը, ակցիզային հարկի հստակ տոկոսների բարձրացում ենք նախատեսել և փոքր բիզնեսի որոշ խմբի համար նախատեսել ենք շրջանառության հարկի ազատում և վերջ: Ըստ էության սկզբունքային փիլիսոփայական որևէ փոփոխություն այս Հարկային օրենսգիրքը չի առաջարկում: Այնինչ կոսմետիկ Հարկային օրենսգրքի փոփոխություններով, որևէ ռեֆորմ, որևէ բիզնեսի խթանում, ուղղակի անհնարին է իրականացնել»:
Անդրադառնալով շահութահարյի փոփոխություններին Մանե Թանդիլյանը նշեց, որ շահութահարկը 18-ից բարձրացնելով 20-ի հնարավորություն է տալիս տնտեսվարողին գրանցել շահույթի բարձրացում: Սակայն ծախսերի այն նվազեցման համակարգը, որ այսօր կա հարկային օրենսգրքում ուղղակիորեն արդյունավետ տոկոսադրույքը դարձնում է գործող18-ից և 20-ից էլ ավելի բարձր: Եվ ծախսագրման ոլորտում որևէ փոփոխություն չանելով և ուղղակի արհեստականորեն տոյոսադրույք իջեցնելով, «որևէ բան բիզնեսին չեք ասում»:
