Բնապահպանական հարցերում պետությունը քաջություն չունի. ՀԲՃ անդամ
Աջակցիր «Ա1+»-ինԻշխանափոխությունը չի ազդել Բնապահապանության նախարարության աշխատանքի վրա։ Բնապահպանները կասկածներ ունեն, որ անվան փոփոխությունն էլ ՝ Շրջակա միջավայրի նախարարություն, դրական ազդի այս ոլորտի վրա։
«Հայկական բնապահպանական ճակատ» քաղաքացիական նախաձեռնության անդամ Լևոն Գալստյանի խոսքով իրենց հարցերը, դիմումները նախարարության կողմից ստանում են բովանդակությամբ և գաղափարախոսությամբ նույն պատասխանը, որը որ եղել է 2013 թվականին կամ 2015-ին:
«Այդ պատասխաններում ինչքան հնարավոր է խույս են տալիս այն քայլերից, որոնք կբերեն խնդիրների լուծմանը»,-ասում է բնապահպանը:
Նախաձեռնության անդամ Աննա Շահնազարյանն էլ շեշտում է, որ Հայաստանը գտնվում է ահռելի բիզնես ճնշման ներքո, բայց ոչ մի պրոակտիվ քաղաքականություն պետության կողմից չի իրականացվում, որը կարտահայտեր պետության դիրքորոշումը ամուր պահելու մասին: «Մենք չունենք գործուն կառույց, որը կարգավորիչ և վերահսկող դեր է կատարում: Մենք ունենք կիսաֆորմալ, ձևական կառույց»,- ասում է Աննա Շահնազարյանը:
Բնապահպանները պնդում են, որ այս կառավարությունը Թեղուտի հիմնախնդրին չի անդրադառնում և դա համարում են թուլակամություն:
«Պետք է ունենալ այդ քաջությունը, որ վերցնեն այդ խնդիրը և ասեն, որ այստեղ ձախողում է ունեցել պետությունը: Թեղուտը ցույց տվեց մեր բոլոր սխալները»,-ասում է նախաձեռնության անդամ Աննա Շահնազարյանը և անդրադառնում Թեղուտի վերագործարկման մասին խոսակցություններին:
Բնապահպանի խոսքով դա «բլեֆ» է, քանի որ Թեղուտի վերագործարկման ֆիզիկական հնարավորություններ չկան:
Հիշեցնենք, որ այսօր շրջակա միջավայրի համաշխարհային օրն է, որը 1972 թվականից ի վեր ամեն տարի նշվում է հունիսի 5-ին: