A
A
Հրդեհ է բռնկվել «Բողբոջ» մանկապարտեզի տանիքում. 88 երեխա տարհանվել է
Նոյեմբերի 22-ին, ժամը 15:47-ին «911» ծառայությանն ահազանգ է ստացվել, որ հրդեհ է բռնկվել Գեղարքունիքի մարզի Սևան քաղաքի Դեմիրճյան փողոցի թիվ 17 հասցեում գտնվող «Բողբոջ» մանկապարտեզի տանիքում. տուժածներ չկան:
Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Փրկարարները տարհանել են 88 երեխայի և 36 աշխատակցի:
Հրդեհը մեկուսացվել է ժամը 16:02-ին, մարվել՝ 16:05-ին: Այրվել են տանիքի փայտյա կառուցատարրերը՝ 2 քմ: