A
A
Շախմատի օլիմպիադա. Տղամարդիկ պարտվեցին, իսկ կանայք կիսեցին միավորը
Շախմատի համաշխարհային օլիմպիադայում այսօր տեղի ունեցան նախավերջին՝ 10-րդ տուրի հանդիպումները: Հայաստանի տղամարդկանց հավաքականը 1,5:2,5 հաշվով պարտվեց մրցաշարում ամենաբարձր վարկանիշ ունեցող ԱՄՆ-ի հավաքականին: Այդպիսով, մեր թիմը դուրս մնաց մրցանակային տեղերի համար պայքարից, քանի որ արդեն հետ է մնում 5 հավաքականներից, որոնք էլ իրար մեջ կվիճարկեն մեդալները: Հայաստանի կանանց հավաքականն այս տուրում ոչ-ոքի՝ 2:2 խաղաց Ադրբեջանի ընտրանու հետ: Մեր թիմը վաստակեց 16 միավոր եւ այժմ բաժանում է 2-4-րդ տեղերը ու շարունակում է մեդալների համար պայքարը:
