A
A
Ֆուտբոլի ԱԱ-2018-ի հավաքականներից առաջինը Իրանի ընտրանին է (տեսանյութ)
Հունիսի 14-ին Ռուսաստանում մեկնարկող ֆուտբոլի 2018 թվականի աշխարհի առաջնության մասնակիցներից առաջինը մրցավայր ժամանել է Իրանի ազգային թիմը: Այդ մասին հայտնում է ՏԱՍՍ լրատվական գործակալությունը:
Իրանի հավաքականը հանգրվանել է Մերձմոսկովյան Բակովկա քաղաքում, որտեղ գտնվում է Մոսկվայի «Լոկոմոտիվ» ակումբի մարզաբազան: Առաջին խաղը իրանցի ֆուտբոլիստները կանցկացնեն հունիսի 15-ին, Սանկտ Պետերբուրգում՝ Մարոկոյի ընտրանու հետ:
Հունիսի 20-ին Իրանի ընտրանին Կազանում կխաղա Իսպանիայի հետ: Խմբային փուլի վերջին խաղում մեր հարավային հարեւանները կհանիպեն Պորտուգակիայի թիմի դեմ: Խաղը կկայանա Սարանսկում, հունիսի 25-ին:
