Վարչապետը հորդորեց նախագիծ ներկայացնելուց առաջ այն քննարկել
ՀՀ կառավարության այսօրվա նիստում ՊԵԿ նախագահի տեղակալ Վախթանգ Միրումյանը հաստատման ներկայացրեց «Հարկային եկամուտների վարչարարության բարելավման միջոցառումների ծրագրի ու ցանկի» մասին որոշման նախագիծը: Վարչապետ Կարեն Կարապետյանը, սակայն, Միրումյանին հորդորեց նախագիծը ներկայացնելուց առաջ այն քննարկել գործարարների հետ: «Մենք կառավարությունում որոշակի միջոցառումներ ենք ներգրավում, մտածում ենք, որ դրանք ուղղված են բիզնեսի որոշակի շերտերին ստվերից օրինական դաշտ բերել, սակայն մեկ- մեկ չենք մտածում՝ դա ոնց կարող է ազդել սպիտակ դաշտի վրա: Չորսօրյա ժամկետում գործարարների հետ քննարկեք, որ նախագիծը չդառնա գլխացավ օրինական դաշտում աշխատող գործարարի համար: Շատ դեպքերում փորձում ենք ինչ-որ մեկին դաշտ հրավիրել, չի ստացվում, բայց մնացածին գցում ենք կրակը»,- ասաց Կ. Կարապետյանը:
