Նոր ընկերություն է գալիս Հայաստան (տեսանյութ)
Հայաստանի գործատուների հանրապետական միությունը Հայաստանում ներդրումներ կատարելու շուրջ պայմանավորվածություն է ձեռք բերել աշխարհահռչակ «Շնայդեր էլեկտրիկ» ընկերության հետ: Ըստ միության նախագահ Գագիկ Մակարյանի՝ վաղը «Շնայդեր էլեկտրիկ»-ի ներկայացուցիչները կհանդիպեն վարչապետ Հովիկ Աբրահամյանի հետ: Թե որքան գումար կներդնի ֆրանսիական ընկերությունը Հայաստանում՝ նա դժվարացավ ասել: «Շնայդեր էլեկտրիկ»-ը հիմնականում զբաղվում է արևային ու քամու էներգիայի արտադրությամբ։ «Իրենք հետաքրքրված են Հայաստանում իրենց օֆիսները ստեղծել, հետագա ներդրումներ կատարել, գուցե եւ արտադրությունների պատվերներ տալ: Տարածաշրջանում գրասենյակ չկա, դա կլինի Հայաստանում: Նման բարձր վարկանիշ ունեցող կազմակերպության գալը կարեւոր է, քանի որ դա նաեւ որոշակի վստահություն կառաջացնի այլ ներդրողների հանդեպ»,-ասաց պարոն Մակարյանը։
