Երիտասարդների երկու երրորդը ահաբեկման զոհ է եղել. ՅՈՒՆԻՍԵՖ
Ավելի քան 14 երկրների երիտասարդների երկու երրորդը նշում է, որ ահաբեկման զոհ է եղել: Երիտասարդների միջազգային օրվան ընդառաջ իրականացված նոր հարցումն ընդգծում է ահաբեկման տարածվածության աստիճանն ու դրա՝ երիտասարդների վրա կործանարար ազդեցությունը Ըստ ՅՈՒՆԻՍԵՖ-ի և գործընկերների կողմից իրականացրած նոր հարցման, յուրաքանչյուր 10 երիտասարդներից 9-ը գտնում են, որ իրենց համայնքներում ահաբեկումը համատարած խնդիր է, իսկ երկու երրորդը նշում է, որ ենթարկվել է ահաբեկման: Հարցումն իրականացվել է Յու-զեկույցի (U-Report) միջոցով, որը երիտասարդներին ներգրավելու արագորեն աճող գործիք է և հարթակ է տրամադրում ավելի քան 20-երկրների 20 միլիոն Յու-զեկուցողների (U-Reporter) համար: Դրանով երիտասարդներին կարճ հաղորդագրությունների, Ֆեյսբուքի, Թվիթերի միջոցով մի շարք հարցեր են ուղղվել իրենց համայնքներում ահաբեկման ազդեցության վերաբերյալ, նրանց սեփական փորձի և այս տիպի բռնությանը վերջ տալու համար երիտասարդների կարծիքն իմանալու համար: Հարցմանը մասնակցել են ՅՈՒՆԻՍԵՖ-ի գործընկերների՝ Սկաուտների և աղջիկների ուղեցույցի (Scouts and Girls Guide), ինչպես նաև՝ համաշխարհային Յու- զեկույցի կողմից հավաքագրված ու հարցմանը մասնակցած 13-ից 30 տարեկան 100.000-ից ավել զեկուցողներ Չիլիից, Իռլանդիայի Հանրապետությունից, Լիբերիայից, Մալազիայից, Մեքսիկայից, Մոզամբիկից, Նիգերիայից, Պակիստանից, Սինեգալից Սիերա Լեոնեից, Շվեյցարիայից, Ուգանդայից, Ուկրաինայից, Սենեգալից, Բուրկինա Ֆասոյից, Մալիից, Գվինեայից, Ինդոնեզիայից և Զամբիայից: «Ահաբեկելը, այդ թվում՝ առցանց, շարունակում է մնալ երեխաների և երիտասարդների բարեկեցությունը վտանգող հիմնականում սխալ հասկացվող ռիսկ», - նշել է ՅՈՒՆԻՍԵՖ-ի՝ Երեխաների պաշտպանության գծով ավագ խորհրդական Թերեզա Քիլբեյնը (Theresa Kilbane). «Այսպիսի բռնությանը վերջ տալու համար, մենք պետք է բարձրացնենք ահաբեկման վնասակար ազդեցության վերաբերյալ հանրային իրազեկությունը, համապատասխան հմտություններով վերազինենք ուսուցիչներին, ծնողներին և հասակակիցներին՝ ռիսկերը բացահայտելու, տեղի ունեցած դեպքերի մասին տեղեկացնելու, ինչպես նաև՝ զոհերի մասին հոգ տանելու և պաշտպանելու համար»: Հարցման արդյունքները ցույց են տալիս նաև հետևյալը՝
- Հարցվածների 1/3-ը կարծել է, որ ահաբեկումը սովորական երևույթ է, այդ իսկ պատճառով դրա մասին որևէ մեկին չի հաղորդել:
- Հարցվածների մեծամասնությունը ահաբեկության զոհ է եղել մասնավորապես արտաքինի պատճառով:
- Բռնության պատճառ է հանդիսացել նաև սեռը կամ սեռական կողմնորոշումը, ինչպես նաև ազգային պատկանելությունը:
- Զոհերի 1/4-ը նշել է, որ չի իմացել՝ ում հայտնել այդ մասին:
- Հարցվածների 10-ից 8-ը կարծում են, որ իրազեկության բարձրացումը, այդ թվում ուսուցիչներին վերպատրասելը՝ երեխաներին սովորեցնել ահաբեկության դեպքերի մասին տեղեկացնելու համար իրենց վատ չզգալ, դպրոցներում խնդիրը վերացնելու միջոցներից մեկն է:
