ԵԱՀԿ ներկայացուցչին սուլոցներով դիմավորեցին (տեսանյութ)
Քիչ առաջ ավարտվեց Մարիոթ հյուրանոցի դիմաց տասնյակ ակտիվիստների ակցիան: Նրանք սպասում էին ԵԱՀԿ Մինսկի խմբի համանախագահների ասուլիսի ավարտին: Մոտ կես ժամ անց միայն Ֆրանսիայի ներկայացուցիչը դուրս եկավ, որին սուլոցներով դիմավորեցին: Ռուսաստանի ներկայացուցիչն ու ԱՄՆ դեսպանը դեռ ներսում են:
Մինչ այդ, ակցիայի ընթացքում միջադեպ տեղի ունեցավ ակտիվիստ մի կնոջ և ոստիկանի միջև: Ոստիկանը պահանջում էր նրանից ցույց տալ տոպրակի պարունակությունը: Կինը հրաժարվեց, այդ պահին միջամտեց Երևանի փոխոստիկանապետ Վալերի Օսիպյանը:
Պարոն Օսիպյանն ասաց, « Հարգելիս ինչու եք սադրում, ինչ խնդիր կա»:
Ակտիվիստը հակադարձեց, «Ես ազատ քաղաքացի եմ, ինչ եք ուզում, ինչու պետք է բացեմ տոպրակը: Ես պեչենի էլ ունեմ, նայեք»:
Իվերջո ակտիվիստը չբացեց տոպրակը, այլ այն փոխանցեց մեկ այլ ակտիվիստի:
Քիչ անց ակցիայի մասնակիցները ցրվեցին:
