«Դ!եմ եմ»-ը փորձում է լռեցնել ոստիկանությանը. ակցիա
Այսօր «Դ!եմ եմ» քաղաքացիական շարժումը բողոքի ակցիա է անցկացնում Ֆինանսների նախարարության դիմացի պուրակում` պահանջելով նախարարին աշխատել և ԲՈՒՀ-երում չիրականցնել կադրային ջարդ, այն է` կուտակային պարտադիր համակարգի կասեցում: Հիշեցնենք, որ համակարգը և պարտադիր սոցիալական վճարները գանձվում են միայն պետական համակարգի աշխատողներից, սակայն, եթե մասնավոր հիմնարկի աշխատողը համատեղում է աշխատանքը պետականի հետ, նա ևս մեխանիկորեն մտնում է այդ համակարգի մեջ: Արդյունքում շատ երիտասարդ դասախոսներ ուղղակի լքել են ԲՈՒՀ-երը:
Այսօր ոստիկանության աշխատակիցները թույլ չտվեցին նախաձեռնության անդամներին պուրակից անցնել նախարարության մայթ: Նրանք պատնեշ կազմած խոչընդոտում են ակցիայի մասնակիցների շարժը` վիճաբանության մեջ մտնելով նախաձեռնության անդամների հետ: Նախաձեռնության անդամները ցանկանում են նամակ հանձնել նախարարությանը:
Ոստիկանության ագրեսիան «Դ!եմ եմ» քաղաքացիական նախաձեռնության անդամները փորձում են լռեցնել սուլիչներով և թմբուկի զարկերով:
