A
A
Բրազիլիան հաղթեց Չիլիին
Ֆուտբոլի աշխարհի առաջնության 1/8 եզրափակիչ փուլում Բրազիլիայի հավաքականը մեծ դժվարությամբ հաղթահարեց Չիլիի ընտրանու արգելքը: Հանդիպման հիմնական ժամանակն ավարտվեց ոչ-ոքի` 1:1: Լրացուցիչ ժամանակի վերջում չիլիացի հարձակվողի հարվածից հետո բրազիլացիներին օգնության հասավ հորիզոնական դարպասաձողը, հակառակ դեպքում դաշտի տերերը դուրս կմնային պայքարից: Հաղթողին որոշելու համար նշանակվեցին 11մ հարվածներ, որոնց իրացման ընթացքում Չիլիի հավաքականի թվով 5-րդ հարվածի ժամանակ բրազիլացիներին կրկին օգնության հասավ հորիզոնական դարպասաձողը: Արդյունքում, Բրազիլիայի հավաքականը 4:3 ընդհանուր հաշվով հաղթեց Չիլիին եւ մտավ քառորդ եզրափակիչ, որտեղ այն կհանդիպի Կոլումբիա – Ուրուգվայ խաղի հաղթողի հետ:
