A
A
Երեքը` առաջատարների խմբում
Հայաստանի շախմատիստները շարունակում են հաջող ելույթները «Դուբայ Օփեն» շախմատի միջագային մրցաշարում:
Երկրորդ տուրում մեր գրոսմայստերներ Վլադիմիր Հակոբյանը, Գաբրիել Սարգսյանը, միջազգային վարպետ Հովիկ Հայրապետյանը երկրորդ անընդմեջ հաղթանակը տարան եւ պահպանեցին իրենց տեղը առաջատարների խմբում:
Հայաստանի չեմպիոն Տիգրան Լ. Պետրոսյանը այս տուրում ոչ-ոքի ավարտեց իր պարտիան, իսկ ահա մեր միակ կին մասնակից Լիլիթ Գալոյանը պարտություն կրեց: Երկու տուրից հետո 38 շախմատիստ ունեն 100 տոկոսանոց արդյունք:
Այսօր կայանալիք 3-րդ տուրում Վլադիմիր Հակոբյանը սպիտակներով կմրցի շվեդ գրոսմայստեր Պոնտուս Կառլսոնի հետ: Գաբրիել Սարգսյանի մրցակիցը կլինի հնդիկ գրոսմայստեր Սունդամ Շյանը, իսկ Հովիկ Հայրապետյանը ուժերը կչափի վրացի գրոսմայստեր Միխեիլ Մչեդլիշվիլու հետ:
