«Փյունիկը» «Իմպուլսին» կընդունի իր մարզադպրոցում
Երեւանի «Փյունիկը» երկկողմանի համաձայնությամբ խզել է պայմանագիրը կիսապաշտպան Արման Մելքոնյանի հետ: Այդ մասին հաղորդում է ակումբի մամուլի ծառայությունը: Երիտասարդ ֆուտբոլիստը թիմին միացել էր 2012 թ մարտին:
Հայաստանի գավաթի խաղարկության 1/4 եզրափակիչ փուլի առաջին խաղում «Փյունիկը» Դիլիջանի «Իմպուլսին» կընդունի իր մարզադպրոցի խաղադաշտում:
Իսկ ահա Գյումրիի «Շիրակը» Երեւանի «Արարատի» հետ խաղն կանցկացնի չեզոք դաշտում, Իջեւանի «Արնար» մարզադաշտում:
Դեռեւս հայտնի չէ «Ուլիս» - «Միկա» հանդիպման մրցավայրը: Կա երկու տարբերակ` ֆուտբոլի ակադեմիա կամ Ոսկեհատի մարզադաշտ:
Մարտունիի «Ալաշկերտի» եւ Կապանի «Գանձասարի» խաղը նախնական տվյալներով նախատեսված է անցկացնել Երեւանի «Նաիրի» մարզադաշտում:
Հիշեցնենք, որ գավաթի այս տարվա խաղարկությունը մեկնարկել է 2012 թվականին, երբ նախնական փուլում 1-ին խմբում հանդես եկող ալաշկերտցիները երկու խաղերի արդյունքներով հաղթեցին բարձրագույն խմբի ներկայացուցիչ Երեւանի «Բանանցին»:
