A
A
Էլինա Դանիելյանը` առաջատարների խմբում
Հայաստանի շախմատիստները հաջող են սկսել ելույթները Ֆրանսիայի Կապելե լա Գրանդ քաղաքում մեկնարկած շախմատի միջազգային մրցաշարում:
Երկու տուրից հետո երկու միավոր է վաստակել գրոսմայստեր Էլինա Դանիելյանը: Առաջատարների խմբում է նաեւ Ֆրանիսիան ներկայացնող հայազգի շախմատիստ Տիգրան Ղարամյանը:
Նրանցից կեսական միավոր քիչ ունեն մեր ներկայացուցիչներ Կարեն Գրիգորյանը, Սամվել Տեր-Սահակյանը, Ռոբերտ Աղասարյանը, Եվգենյա Դոլուխանովան, վրացահայ Դավիթ Հարությունյանը:
Այսօր տեղի կունենան 3-րդ եւ 4-րդ տուրի պարտիաները:
Մրցաշարը, որին մասնակցում են 560 շախմատիստ-շախմատիստուհի, անցկացվում է շվեյցարական մրցակարգով, 9 տուրով: Մրցանակային հիմնադրամը կազմում է 30 հազար եվրո:
