A
A
«Արարատը» հաղթեց «Իմպուլսին»
Հայաստանի ֆուտբոլի բարձրագույն խմբի 32-րդ տուրի առաջին երկու խաղերը ավարտվեցին հյուրերի հաղթանակով:
Մրցաշարի ետնապահ Երեւանի «Արարատը» Իջեւանում հաղթեց 3-րդ հորիզոնականում ընթացող Դիլիջանի «Իմպուլսին»` 1:0:
Երկրորդ տեղում գտնվող Երեւանի «Միկան» նույն հաշվով առավելության հասավ «Ուլիսի» նկատմամբ:
Վաղը կկայանան տուրի մյուս երկու հանդիպումները: Երեւանի «Բանանցը» իր հարկի տակ կընդունի մրցաշարի առաջատար «Շիրակին», իսկ կենտրոնական խաղում կհանդիպեն 3-րդ տեղի համար պայքարող Երեւանի «Փյունիկն» ու Կապանի «Գանձասարը»:
