A
A
Պիզելին Ուկրաինաից գնաց Ռուսաստան
Հայաստանի հավաքականի կիսապաշտպան Մարկոս Պիզելին երեք տարով պայմանագիր է կնքել Կրասնոդարի «Կուբանի» հետ: Այդ մասին պաշտոնապես տեղեկացնում է ռուսական ակումբի կայքէջը:
«Մարկոս Պիզելին միջազգային խաղերի մեծ փորձ ունեցող բարձրակարգ ֆուտբոլիստ է, որը, համոզված եմ, կուժեղացնի թիմի հարձակողական ներուժը: Նա կարող է խաղալ եւ առաջին, եւ միջին գծում: Մենք վաղուց էինք հետեւում նրա ելույթներին, որպեսզի պարզեինք, արդյո՞ք կհամապատասխանի մեր թիմի խաղաոճին, թե՞ ոչ»,- հայտարարել է «Կուբանի» ռումինացի գլխավոր մարզիչ Դան Պետրեսկուն:
Նշենք, որ Մարկոս Պիզելին մինչ այդ հանդես էր գալիս Դոնեցկի «Մետալուրգում», ուր Երեւանի «Փյունիկից» տեղափոխվել էր 2011 թվականի ամռանը:
