«Փյունիկի» հեթ-տրիկը
Հայաստանի չեմպիոն «Փյունիկը» 8-րդ անգամ տիրեց հայկական ֆուտբոլի երախտավոր Հակոբ Տոնոյանի անվան Սուպերգավաթին:
Այսօր Երեւանի «Հանրապետական» մարզադաշտում կայածաց խաղում 2010 թ չեմպիոն «Փյունիկը» 3:0 հաշվով վստահ հաղթեց այդ տարվա գավաթի խաղարկության եզրափակիչ հանդիպման մասնակից «Բանանցին»: Փյունիկցիներից գոլի հեղինակներ դարձան Արամ Հովսեփյանը (18-րդ րոպե), Դավիթ Մինասյանը (42) եւ Վարդան Բակալյանը (64):
Այդպիսով, «Փյունիկը» 2010 թվականին հեթ-տրիկի հեղինակ դարձավ` դառնալով Հայաստանի չեմպիոն, գավաթակիր եւ սուպերգավաթակիր:
Հանդիպումից հետո կայացած մամուլի ասուլիսին չեմպիոնի գլխավոր մարզիչ Վարդան Մինասյանը ընդամենը մեկ նախադասությամբ մեկնաբանեց խաղը. «Ամեն ինչ գերազանց էր»: Իսկ ահա «Բանանցի» գյխավոր մարզիչ Ռաֆայել Նազարյանը խոստովանեց, որ մրցակիցը բոլոր առումներով գերազանցեց իր թիմին:
