A
A
Ռոման Ամոյանը կմրցի ադրբեջանցու հետ
Ստամբուլում մեկնարկել է ըմբշամարտի աշխարհի առաջնությունը:
Այսօր մրցագորգ են մտել հունահռոմեական ոճի 55, 66 եւ 96 կգ քաշային ըմբիշները:
Մեր ամենաթեթեւ քաշային Ռոման Ամոյանը վստահ սկսեց ելույթները եւ առաջին փուլում հաղթեց իտալացի Ֆեդերիկո Մանեային: Երկրորդ փուլում նա ուժերը կչափի Ուկրաինան ներկայացնող ադրբեջանցի ըմբիշ Վուղար Ռահիմովի հետ:
Իսկ ահա 96 կգ քաշային Արթուր Ալեքսանյանը արդեն մտել է երրորդ փուլ, որտեղ մրցելու է Ադրբեջանը ներկայացնող վրացի ըմբիշ Շալվա Գաբադաձեի հետ:
Մեր երրորդ մասնակից, 66 կգ քաշային Արման Ադիկյանը, երկրորդ փուլում պարտվեց ֆրանսիացի Ֆաբիեն Ժենոյին եւ լավագույն դեպքում կպայքարի բրոնզե մեդալի համար:
