A
A
Հայ-իրանական զորավարժությունների նպատակը սահմանային անվտանգությունն ապահովելն է՝ հայտնում է իրանական կողմը
Աջակցիր «Ա1+»-ինՀայաստանի և Իրանի համատեղ զորավարժությունները խաղաղ բնույթ են կրում, հայտարարել է Իսլամական հեղափոխության պահապանների կորպուսի ցամաքային զորքերի հրամանատարի տեղակալ Վալիոլլահ Մանին՝ որոշ մանրամասներ ներկայացնելով, գրում է IRNA գործակալությունը։
Նրա խոսքով՝ դրանք տեղի են ունենում հայ-իրանական սահմանի Նորդուզ շրջանում՝ սահմանային անվտանգությունն ապահովելու նպատակով։
«Իրանի և Հայաստանի սահմանային տարածքներում որևէ վտանգ չկա, դա արվում է մարտական ուժերի պատրաստվածությունը բարձրացնելու, ահաբեկչության դեմ պայքարելու և կայուն խաղաղություն պահպանելու համար», - հայտարարել է Մաինին՝ շարունակելով․ - «Երկու երկրների սահմանային տարածքները ռազմավարական նշանակություն ունեն՝ հաշվի առնելով այն զգայուն դիրքը, որ զբաղեցնում են»։
