Փրկարարներն արգելափակումից դուրս են բերել ավտոմեքենաները

Հունվարի 17-18-ը ՆԳՆ ՓԾ Արագածոտնի, Շիրակի, Կոտայքի մարզային փրկարարական վարչությունների ճգնաժամային կառավարման կենտրոններ ահազանգեր են ստացվել արգելափակված ավտոմեքենաների վերաբերյալ։ Մասնավորապես՝ Ամբերդ ամրոց տանող ավտոճանապարհին, Քուչակ, Աշոցք, Մուսաելյան գյուղերում և Ծաղկաձոր քաղաքում։ Դեպքի վայր ժամանած փրկարարներն արգելափակումից դուրս են բերել 6 ավտոմեքենա և 17 քաղաքացու ցուցաբերել համապատասխան օգնություն։