Եղևնին ընկել է կայանած ավտոմեքենայի վրա

Դեկտեմբերի 13-ին, ժամը 16:33-ին Լոռու մարզային փրկարարական վարչության ճգնաժամային կառավարման կենտրոն տեղեկություն է ստացվել, որ Վանաձոր քաղաքի դպրոցներից մեկի մոտակայքում ծառ է ընկել․ անհրաժեշտ է փրկարարների օգնությունը։  

Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։

Պարզվել է, որ Թատերական փողոցում գտնվող դպրոցի մոտակայքում եղևնին (մոտ 20 մետր) ընկել է կայանած «Hyundai» մակնիշի ավտոմեքենայի վրա (վարորդ՝ Ա. Դ., ծնված 1986 թ.)։

Մինչ փրկարարների կանչի վայր հասնելը՝ վարորդը և ուղևոր Ն. Դ.-ն (ծնված 1960 թ․) դիմել են բժշկական կենտրոն, որտեղ հրաժարվել են հոսպիտալացումից։

Փրկարարները ծառը մասնատել և հեռացրել են ավտոմեքենայի վրայից։