ՊՈԱԿ-ի տնօրեն Սևակ Մարկոսյանը զեկույցի տեսքով նախարարին է ներկայացրել ձեռնարկատիրական գործունեության արդյունքում ձևավորված ֆինանսական մուտքերը, անտառտնկման և անտառվերականգնման ընթացիկ աշխատաքները, ներկայացնելով նաև վերջին տարիներին կատարված ծառատունկերի արդյունքում տնկիների կպչողունակության մասին հաշվետվություն։

 

Նախարարին են ներկայացվել վարձակալական հիմունքներով տրամադրված անտառային տարածքներում ներդրումների դինամիկան, ինչպես նաև Էկոտուրիզմի մշակույթի տարածմանն ուղղված քայլերը։

Նախարարը շեշտել է, որ վարձակալական գործընթացը պետք է պահել մշտական ուշադրության կենտրոնում, կատարել տարածքների ուսումնասիրություն՝ հասկանալու տարբեր մարզերում ծանրաբեռնվածության աստիճանը և քայլեր ձեռնարկել համայնքների համաչափ զարգացման ուղղությամբ։

Նախարար Հակոբ Սիմիդյանն իր գոհունակությունն է հայտնել ձեռնարկատիրական մուտքերի դինամիկայի աճի փաստի առիթով։

 

Նախարարը գործընկերների հետ քննարկել է նաև Էկոպարեկային ծառայության գործարկման աշխատանքները և հույս հայտնել, որ ծառայության լիարժեք գործարկումը կօժանդակի նաև անտառների կառավարումն առավել արդյունավետ դարձնելուն։