A
A
Տարեցների աշխատանքների ցուցադրություն-վաճառք՝ տարեցների միջազգային օրվա առիթով
Աջակցիր «Ա1+»-ինՀոկտեմբերի 1-ը ամբողջ աշխարհում նշվում է որպես տարեցների միջազգային օր, որը ևս մեկ հնարավորություն է՝ արժևորելու և կարևորելու հանրությունում տարեցների դերը:
«Առաքելություն Հայաստան» բարեգործական հասարակական կազմակերպության նախաձեռնությամբ Երևանի Կոմիտասի անվան զբոսայգու տարածքում տեղի է ունեցել միջոցառում, որի ընթացքում կազմակերպվել է տարեցների աշխատանքների ցուցադրություն-վաճառք:
Այդ մասին հայտնում են Երևանի քաղաքապետարանից։
Միջոցառմանը երաժշտական կատարմամբ հանդես են եկել երգչախմբեր, ինչպես նաև կազմակերպվել է հագուստների ցուցադրություն՝ տարեցների մասնակցությամբ:
Միջոցառմանը մասնակցել են Երևանի քաղաքապետի տեղակալ Սարգիս Մադաթյանը, ՀՀ աշխատանքի և սոցիալական հարցերի նախարարի տեղակալ Տաթևիկ Ստեփանյանը և բարձրաստիճան այլ պաշտոնյաներ:
