Ինչ հարցեր է քննարկել Միրզոյանը ՄԱԿ Մարդու իրավունքների բարձր հանձնակատարի հետ (տեսանյութ)
Աջակցիր «Ա1+»-ինՍեպտեմբերի 24-ին Նյու Յորքում ՄԱԿ ԳԱ 79-րդ նստաշրջանի շրջանակներում ՀՀ ԱԳ նախարար Արարատ Միրզոյանը հանդիպում է ունեցել ՄԱԿ Մարդու իրավունքների բարձր հանձնակատար Վոլկեր Տյուրկի հետ:
Հանդիպման ընթացքում քննարկվել են Հայաստանի և ՄԱԿ-ի Մարդու իրավունքների բարձր հանձնակատարի գրասենյակի միջև շարունակական փոխգործակցության հարցեր։
Ընդգծվել է տարածաշրջանում կայուն խաղաղության հաստատման ճանապարհին մարդու իրավունքների պաշտպանության հարցերում Գրասենյակի ներգրավվածության կարևորությունը։
Անդրադարձ է կատարվել Լեռնային Ղարաբաղից բռնի տեղահանված հայ բնակչության կարիքների հասցեագրման ուղղությամբ ՀՀ կառավարության կողմից իրականացված քայլերին, այդ նպատակով միջազգային գործընկերների հետ ձևավորված համագործակցությանը։
Արարատ Միրզոյանը վերահաստատել է ՀՀ՝ տարածաշրջանում հարատև խաղաղության և կայունության հաստատման տեսլականը, այդ թվում նաև՝ Հայաստանի և Ադրբեջանի միջև հարաբերությունների կարգավորմանն ուղղված ջանքերը, ինչպես նաև առանցքային հարցերի շուրջ ՀՀ մոտեցումները:
