40 հազար ռուբլին տարբեր օրերի գողացել էր Արարատում հաշվառված 15-ամյա մի աղջիկ
Աջակցիր «Ա1+»-ինՆԳՆ ոստիկանության Արարատի մարզի օպերատիվ կառավարման կենտրոն սեպտեմբերի 20-ին ստացված ահազանգը բնակարանային գողության մասին էր: Արարատ քաղաքի բնակիչ տղամարդը հայտնում էր, որ գրապահարանում դրված իր դրամապանակից փող են գողացել:
Ոստիկանության Արարատի բաժնի և Արարատի բաժանմունքի քրեական հետախույզների համատեղ ձեռնարկած օպերատիվ-հետախուզական միջոցառումների արդյունքում պարզվել է, որ 40 հազար ռուբլին տարբեր օրերի գողացել է Արարատ քաղաքում հաշվառված 15-ամյա մի աղջիկ: Նա և կազմված փաստաթղթերը ներկայացվել են վարույթն իրականացնող մարմին:
Գումարի մի մասը հայտնաբերվել է:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
