Դաժանաբար սպանվել են Ստաս Նամինի որդին և զոքանչը

Մերձմոսկվայում դաժանաբար սպանվել են ռուսական ռոքի լեգենդ Ստաս Նամինի որդին և զոքանչը, հաղորդում է «Известия»-ն։

Ըստ տեղեկությունների՝ վեճ է ծագել տան վաճառքի հետ կապված։ Վեճի ժամանակ թոռը սպանել է տատիկին, ապա զանգել իր 30-ամյա եղբորն ու խոստովանել։ Դրանից հետո եղբայրը ժամանել է դեպքի վայր և նույնպես սպանվել։

ԶԼՄ-երի հաղորդմամբ մարդասպանը Ստաս Նամինի խորթ որդին է՝ 39-ամյա Ռոման Միկոյանը։

Սպանվել են 30-ամյա ռեժիսոր Արտյոմ Միկոյանն ու վերջինիս  85-ամյա տատիկը՝ Պոլինա Տկաչենկոն։

Տելեգրամյան ալիքներն էլ հաղորդում են, որ մարդասպանը Ստաս Նամինի խորթ որդին է՝ 39-ամյա Ռոման Միկոյանը, որին զայրացրել է այն փաստը, որ իր տատը՝ Պոլինա Տկաչենկոն և կրտսեր եղբայրը՝ Արտյոմ Միկոյանը պարբերաբար քննադատել են իրեն,  խնդրել դադարեցնել թմրանյութերի օգտագործումը։

Ըստ տեղեկատվության՝ սպանությունը ևս կատարվել է թմրանյութերի ազդեցության տակ։