A
A
Գարիկ Կարապետյանը բրոնզե մեդալ նվաճեց ծանրամարտի աշխարհի առաջնությունում
Աջակցիր «Ա1+»-ինՌիյադում ընթացող ծանրամարտի աշխարհի առաջնությունում Հայաստանի հավաքականի երկու ներկայացուցիչներն այսօր իրենց հաշվին մեկ մեդալ գրանցեցին:
102 կգ քաշային Գարիկ Կարապետյանը պոկում վարժությունում 183 կգ արդյունքով գրավեց 3-րդ տեղը և նվաճեց բրոնզե մեդալ: Սակայն, երկամարտում մեր մարզիկը գրավեց 5-րդ տեղը՝ 393 կգ:
Իսկ ահա մեր մյուս ծանրորդը՝ Սամվել Գասպարյանը, երկամարտում ցույց տվեց 394 կգ արդյունք և բելառուսցի Եվգենի Ցիգանկովի հետ բաժանեց 3-4-րդ տեղերը: Անձնական քաշով մեր մարզիկը դուրս մնաց մրցանակային եռյակից:
Մեդալների ընդհանուր քանակով Հայաստանի հավաքականը գտնվում է 11-րդ տեղում՝ 6 մեդալով: Առաջին հորիզոնականը զբաղեցնում է Չինաստանը, որի ներկայացուցիչները նվաճել են 27 մեդալ:
