Կապան քաղաքի նախկին շուկայի տարածքում հրդեհ է բռնկվել

Հունիսի 2-ին, ժամը 21։08-ին Սյունիքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Կապան քաղաքի նախկին շուկայի տարածքում հրդեհ է բռնկվել։

Դեպքի վայր են մեկնել ՆԳՆ ՓԾ մարզային փրկարարական վարչության օպերատիվ խումբը և հրշեջ-փրկարարական ջոկատից երկու մարտական հաշվարկ։

Պարզվել է, որ հրդեհը բռնկվել է նախկին շուկայի 2-րդ հարկում գտնվող երեք չգործող տաղավարում (45 քմ)։

Հրդեհը մեկուսացվել է ժամը 21:35-ին, մարվել՝ 21:55-ին: Այրվել են տաղավարների ընդհանուր տանիքի փայտե կառուցատարրերը: