Զոհված զինծառայողների ծնողները դադարեցրել են կառավարության առջև նստացույցը

Գայանե Հակոբյանի կալանավորումից հետո կառավարության շենքի դիմաց անժամկետ նստացույց հայտարարած զոհված զինծառայողների ծնողները դադարեցրել են այն:

Այս մասին լրագրողներին տեղեկացրել են ծնողները: Նրանք նաև նշել են, որ պայքարի այլ ձևի ընտրության մասին հետո կհայտնեն:

Հիշեցնենք, որ այսօր՝ ավելի վաղ, Գայանե Հակոբյանի փաստաբաններ Վահան Հովհաննիսյանը, Ռուբեն Մելիքյանը, Վահան Գևորգյանը հայտնել էին, որ դադարեցնում են իրենց մասնակցությունը քրեական վարույթի հետագա ընթացքին: