A
A
ՀՀ ԱԺ պատվիրակությունը Վաշինգտոնում հանդիպումներ է ունեցել ԱՄՆ կոնգրեսականների հետ
Աջակցիր «Ա1+»-ինԱՄՆ կառավարության հրավերով ՀՀ ԱԺ մի խումբ պատգամավորներ այցելել են Վաշինգտոն։ Այս մասին հայտնել է ՀՀ ԱԺ «Քաղաքացիական պայմանագիր» խմբակցության պատգամավոր Սիսակ Գաբրիելյանը։
«Տպավորված եմ կոնգրեսականների հյուրընկալությամբ, Հայաստանի նկատմամբ առանձնահատուկ ուշադրությամբ և խաղաղության մեր օրակարգի կարևորմամբ: ԱՄՆ կառավարության հրավերով, մայրաքաղաք Վաշինգտոն եռօրյա այցի ընթացքում ակնհայտ դարձավ, որ բարեկամ ԱՄՆ-ն աջակցում է խաղաղության պայմանագրի օր առաջ կնքմանը: Մեր պատվիրակությունը վերահաստատեց ժողովրդավարացման ճանապարհ անցնելու մեր վճռականությունը: Կոնգրեսականները ներկայացրին առաջիկայում Հայաստանին նոր աջակցություն տրամադրելու իրենց նախաձեռնությունները»,-ֆեյսբուքյան իր էջում գրել է Գաբրիելյանը:
