Բացել լրահոսը Փակել լրահոսը
թուրքիայի երկրաշարժ
A A
Հասարակություն

Թուրքիայում երկրաշարժի զոհերի թիվը հասավ 284-ի (տեսանյութ)

Թուրքիայում տեղի ունեցած ավերիչ երկրաշարժի հետևանքով զոհվել է 284 մարդ, վիրավորվել՝ մոտ 2,5 հազարը։ Այս մասին «Ռիա Նովոստի»-ի տեղեկացմամբ հայտնել է երկրի փոխնախագահ Ֆուաթ Օքթայը։

Թուրքիայի հարավում գտնվող Քահրամանմարաշ նահանգում ժամը 04.17-ին տեղի է ունեցել 7,4 մագնիտուդ ուժգնությամբ երկրաշարժ, որը ավերածությունների է հանգեցրել մի շարք քաղաքների։

«Երկրաշարժի հետևանքով զոհվել է 284, վիրավորվել՝ 2323 քաղաքացի»,- ճեպազրույցում ասել է Օքթայը։

Զոհվածների մեծ մասը եղել է Քահրամանմարաշ նահանգում, որտեղ գտնվում էր էպիկենտրոնը։ Այնտեղ ավերվել է մոտ 300 շինություն։ Վիրավորների մեծ մասը գտնվում է Շանլիուրֆա նահանգում՝ մոտ 600։