Եթե Վարդապետյանը նստեց դատախազ ու չարեց դա՝ խայտառակ ենք անելու․ զոհվածի մայր (տեսանյութ)
Աջակցիր «Ա1+»-ինՆանա Մուրադյանը պնդում է՝ 12 տարի առաջ որդուն՝ Վալերիկ Մուրադյանին սպանել են Ստեփանակերտի Հայկազով զորամասում՝ ծառայության ժամանակ՝ վառելանյութի գողությունը նկատելու համար, բայց ինչպես պնդում է Վալերիկ Մուրադյանի մայրը, մինչ այս պահը մեղավորները պատասխանատվության չեն ենթարկվել։
Տիկին Նանան այսօր հերթական անգամ Կառավարության շենքի մոտ էր, որպեսզի իր բողոքը տեղ հասցնի՝ արդարությունը վերականգնվի։
«Ա1+»-ի հետ զրույցում որդեկորույս մայրը պատմում է, որ արդեն 12 տարի է նախաքննություն է ընթանում։
«4 անգամ գործը կասեցրել են, կասեցումից հանել են, բայց մինչև այսօր ոչինչ չի փոխվել»,-ասում է տիկին Նանան և հավելում, որ Նիկոլ Փաշինյանի հանձնարարությամբ ստեղծվել է աշխատանքային խումբ և սկսել են ուսումնասիրել այսօրինակ քրեական գործերը։
12 տարի առաջ որդուն կորցրած կինը պատմում է, որ այս գործերին ամենալավը ծանոթ է ՀՀ վարչապետի նախկին խորհրդական, իսկ այսօր արդեն ՀՀ Գլխավոր դատախազ Աննա Վարդապետյանը։ Ըստ Նանա Մուրադյանի՝ ուսումնասիրության ընթացքում բազմաթիվ կոպիտ խախտումներ են արձանագրվել և աշխատանքային խումբը կասկածի տակ է դրել իր որդու մահված հանգամանքի պաշտոնական վարկածը՝ ինքնասպանության հասցնելը։
«Շուտով մեկ տարին կլրանա, ոչինչ չի արվել։ Շատ ուրախ ենք, որ ինքն է լինելու ՀՀ գլխավոր դատախազը և մենք սպասում ենք, որ ինքը այս գործերին պետք է ընթացք տա։ Պետք է գործը քննել սպանության, ոչ թե ինքնասպանության հասցնելու հիմքով»,- ասում է Նանա Մուրադյանը և շեշտում՝ « եթե Վարդապետյանը նստեց դատախազ ու չարեց դա՝ խայտառակ ենք անելու»։
Մանրամասները՝ տեսանյութում։
