Բացել լրահոսը Փակել լրահոսը
certificate
A A
Պաշտոնական

ՍԱՏՄ լաբորատոր ծառայությունների կենտրոնը ստացել է նոր միջազգային հավատարմագրման սերտիֆիկատ

ՀՀ սննդամթերքի անվտանգության տեսչական մարմնի «Հանրապետական անասնաբուժասանիտարական և բուսասանիտարական լաբորատոր ծառայությունների կենտրոն» ՊՈԱԿ-ը ստացել է «Բյուրո Վերիտաս» համաշխարհային կազմակերպության կողմից միջազգային ստանդարտի պահանջներին համապատասխան հավատարմագրման սերտիֆիկատ՝ ISO 35001։2019։

Փաստաթուղթը հավաստում է, որ ՍԱՏՄ «ՀԱԲԼԾԿ» ՊՈԱԿ-ի կառավարումը համապատասխանում է միջազգային չափորոշիչներին։ Սերտիֆիկացման շրջանակը ներառում է ցամաքային և ջրային կենդանիների ինֆեկցիոն և ինվազիվ հիվանդությունների, այդ թվում՝ հատուկ վտանգավոր հարուցիչների դեպքում, ախտորոշիչ, գիտական և մոնիթորինգային հետազոտությունները։

Հարկ է նշել նաև, որ «ՀԱԲԼԾԿ» ՊՈԱԿ-ը հանդիսանում է ՀՀ-ում առաջին պետական լաբորատոր կառույցը, որը ներառված է ԵԱՏՄ փորձարկման լաբորատորիաների ցանկում և միաժամանակ տրամադրում է ԵՄ անդամ ու այլ երկրներում փոխճանաչելի լաբորատոր ծառայություններ:

 

ՀՀ ՍԱՏՄ իրազեկման, խորհրդատվության և 

հանրության հետ տարվող աշխատանքների բաժին