ՀՀ ԱԳՆ-ը չի արձագանքում Հայկ Դեմոյանի կասկածներին (տեսանյութ)
Աջակցիր «Ա1+»-ինՀայ-թուրքական բանակցությունների ժամանակ պետք չէ վախենալ կամ ամաչել ցեղասպանության մասին խոսելուց։ Հայոց Ցեղասպանության թանգարան-ինստիտուտի նախկին տնօրեն Հայկ Դեմոնյանի խոսքով՝ այս թեման պետք է լինի երկխոսության կարեւոր բաղադրիչը։
Պաշտոնական Երեւանը հայտարարում է, որ Թուրքիայի հետ հարաբերությունների կարգավորումը լինելու է առանց նախապայմանների։ Մինչդեռ Հայկ Դեմոյանը արդեն լսել է մեկ նախապայմանի մասին։
Հայ-թուրքական սահմանի բացման հարցում էլ պետք չէ խաբկանքների տրվել։ Դեմոյանի խոսքով՝ պետք է հասկանալ թուրքական վախերը։
Հայաստանի և Թուրքիայի հատուկ բանագնացների երրորդ հանդիպումը կկայանա Վիեննայում։ Թե ինչի մասին են այսօր բանակցում Հայաստանը և Թուրքիան , ՀՅԴ Բյուրոյի Հայ Դատի և քաղաքական հարցերի գրասենյակի ղեկավարը դժվարանում է ասել։ Սակայն, իր համոզմամբ ,Թուրքիան այսօր երկու անելիք ունի։
ԱՄՆ նախագահի կողմից Հայոց ցեղասպանության ճանաչմանը հաջորդած այս մեկ տարվա ընթացքում Հայ դատի հանձնախմբերի կանոնադրությունն ու մոտեցումները չեն փոխվել։ Հանձնախումբը շարունակում է զբաղվել նաեւ պահանջատիրության հարցով։
ԱՄՆ-ի մեծ քաղաքականության մեջ ցանկացած միջոց ընդունելի և կիրառելի է։ Հայկ Դեմոնյանի խոսքով ԱՄՆ սենատի և նախագահի մակարդակով ցեղասպանության ճանաչումը մահակ է ՆԱՏՕ-ում պարտականությունները չկատարող Թուրքիայի դեմ։ Նրա խոսքով՝ Ջո Բայդենի ուղերձը պետք է դիտել նաև համաշխարհային այլ զարգացումների համատեքստում։
ԱՄՆ-ի կողմից ճանաչումը հնարավորություններ է ստեղծել տարբեր մակարդակներում։
Ներկայումս Հայոց ցեղասպանության ճանաչման գործընթացներ են ընթանում Իսրայելում և Մեծ Բրիտանիայում, բայց դեռ առաջընթաց չկա։ Ըստ Կիրո Մանոյան՝ տարբեր պետությունների կողմից ցեղասպանության ճանաչումը Թուրքիային նույն քայլին մղելու համար է։
