ԱՄՆ-ում կհրաժարվեն ռուսաստանցի և բելառուսցի ֆուտբոլիստներից

Ֆուտբոլի հյուսիսամերիկյան լիգայի՝ ՄԼՍ-ի ակումբները, ներքին կարգով պայմանավորվել են թիմ չհրավիրել ռուսաստանցի և բելառուսցի խաղացողների և մասնագետների: Այդ մասին հայտնում է «Սպորտ Էքսպրես» թերթը:

Մասնավորապես՝ ամերիկյան լիգայում հետաքրքրված են նորվեգական «Բոդո-Գլիմտի» ռուս դարպասապահ Նիկիտա Խայկինի ծառայություններով, սակայն նրան առայժմ պաշտոնապես չի դիմել որևէ ակումբ:

Հավելենք, որ ՄԼՍ-ում է հանդես գալիս Հայաստանի հավաքականի հարձակվող Լուկաս Սելարայանը, որը վերջերս ճանաչվել էր լիգայի մարտ ամսվա լավագույն ֆուտբոլիստ: